मा.श्री गोपीनाथराव मुंडे साहेब शेतकरी अपघात विमा योजना

नमस्कार शेतकरी मित्रांनो,

   नेहमीप्रमाणे मी पुन्हा एकदा खास तुमच्या साठी घेऊन आलो आहे उपयुक्त अशी माहिती.

     मित्रांनो आपण शेती व्यवसाय करत असताना होणाऱ्या विविध अपघातामुळे, शेतकऱ्यास मृत्यू ओढवल्यास किंवा अपंगत्व आल्यास संबंधित अपघातग्रस्त शेतकऱ्यास विमाछञ म्हणून श्री. गोपीनाथ मुंडे शेतकरी अपघात विमा योजना राबवण्यात येत आहे. व या योजनेचा लाभ संबंधित शेतकऱ्यास किंवा त्याच्या कुटुबीयांना देण्यात येतो.

ही योजना कोण राबवत ?

     मित्रांनो श्री गोपीनाथ मुंडे शेतकरी अपघात विमा योजना ही महाराष्ट्र शासन कृषी,पशू संवर्धन, दुग्धव्यवसाय विकास व मत्स्यव्यसाय हा विभाग सप्टेंबर २०१९ पासून राबवत आहे. 

या योजनेचा लाभ कोण घेऊ शकतो ?

           या योजनेचा लाभ राज्यातील सर्व वहितिधारक शेतकरी ( ज्यांच्या नावावर शेतजमीन आहे असे ) व वहितिधारक खातेदार म्हणून नोंद नसलेले व्यक्ती ( आई/वडील, पती/पत्नी, मुलगा, अविवाहित मुलगी यापैकी कोणीही एक व्यक्ती ) असे १० ते ७५ वयोगटातील एकूण २ जणांना हे विमाछत्र प्रदान करण्याची योजना राबिण्यासाठी मान्यता देण्यात आली आहे.

या योजनेचा लाभ घेण्यासाठी वयोमर्यादा ?

        १० ते ७५ या वयोगटातील राज्यातील सर्व शेतकरी किंवा त्यांच्या कुटुंबातील २ व्यक्तींना या योजनेचा लाभ घेता येईल.

या योजने अंतर्गत दिले जाणारे विमा संरक्षण ?

१. अपघाती मृत्यू - ₹ २०००००/-

२. अपघातामुळे दोन डोळे अथवा एक डोळा व एक हात किंवा एक पाय निकामी झाल्यास - ₹ २०००००/-

३. अपघातामुळे एक डोळा अथवा एक हात किंवा एक पाय निकामी झाल्यास - १०००००/-

विमा संरक्षण तक्ता.

या योजनेचा लाभ घेण्यासाठी दावा दाखल करण्यासाठी आवश्यक कागपत्र.

१. विहित नमुन्यातील पूर्व सूचनेचा अर्ज ( सहपत्र क्रमांक १)

२. प्रथम माहिती अहवाल

३.विजेचा धक्का अपघात, वीज पडून मृत्यू, पाण्यामध्ये बुडून मृत्यू, उंचावरून पडून मृत्यू ,सर्पदंश/विंचूदंश व अन्य कोणत्याही कारणाने अपघात यासाठी प्रथम माहिती अहवाल किंवा पोलिस पाटील यांचा अहवाल.

४. संबंधित शेतकऱ्याचा मृत्यू दाखला.

५. अपघाग्रस्तांचे आधार/पॅनकार्ड/निवडणूक ओळखपत्र/वाहन चालवण्याचा परवाना( वरील पैकी कोणतेही एक)

६. संबंधित शेतकऱ्याचा ७/१२ किंवा ८-अ.

७. घटनास्थळ पंचनामा.

८. कुटुंबाची शिधापत्रिका.

९. शेतकऱ्याचा वारस म्हणून तलाठी यांच्याकडील गाव नमुना नंबर ६ क नुसार मंजूर झालेल्या वारसाच्या नोंदीचा मूळ उतारा.

वरील सर्व कागत्रपत्र जोडून तुम्ही या योजनेचा लाभ घेऊ शकता.

या विमा योजनेचा लाभ घेण्यासाठी इतर कागदपत्रांची लिंक PDF Download.

अधिक माहितीसाठी संपर्क

Toll free: 1800233533 ,  020-26123648

या योजनेविषयी अधिक माहितीसाठी शासनाच्या www.maharashtra.gov.in या संकेतसथळाला भेट द्या.

वरील माहिती ही शासनाच्या योजनेविषयी अभ्यास करून व दस्तऐवज च्या आधारे दिली आहे. यामध्ये काही त्रुटी आढळल्यास मानवीय चूक समजावी.

धन्यवाद

महज्योती व IGTR यांच्या संयुक्त विद्यमाने मागासवर्गीय विद्यार्थ्यांना विनामूल्य कौशल्य प्रशिक्षण योजने विषयी माहितीसाठी खालील लिंक वर क्लिक करा.

http://sptechmarathi.blogspot.com/2023/03/SPTechMarathi%20.html